![](https://ihsproject.org/wp-content/uploads/2024/06/2024-06-19-web.jpg)
Komunikimi efektiv për përmirësimin e kujdesit shëndetësor
Aftësitë komunikuese të infermierëve janë thelbësore për kujdesin efektiv ndaj pacientëve. Kjo ishte tema kryesore e sesionit të trajnimit të udhëhequr nga Asistent Profesor Rukije Mehmeti më 19 qershor 2024.
Trajnimi kishte për qëllim të thellonte të kuptuarit e koncepteve të komunikimit nga pjesëmarrësit dhe të nënvizonte rolin e tyre në përmirësimin e praktikave të kujdesit shëndetësor. U theksua rëndësia e ndarjes së informacioneve shëndetësore lehtësisht të kuptueshme, duke përfshirë shembuj nga jeta reale, lojë me role dhe fokusimin në dëgjimin aktiv.
Për Asistent Profesor Mehmetin, komunikimi cilësor është gurthemeli i artit dhe shkencës së infermierisë. Duke rritur aftësitë e komunikimit, profesionistët e kujdesit shëndetësor mund të përmirësojnë ndjeshëm rezultatet e pacientëve si dhe cilësinë e përgjithshme të kujdesit shëndetësor.
Ky sesion është pjesë e programit të akredituar të trajnimit të infermierëve të ofruar nga IHS-ja në bashkëpunim me Spitalet e Përgjithshme të Pejës dhe të Gjakovës. Programi, i zhvilluar në bazë të vlerësimit të nevojave për trajnim për profesionistët shëndetësorë, është i akredituar nga Oda e Infermierëve të Kosovës.