Takimi i katërt i Komitetit Drejtues të Projektit IHS për të diskutuar rreth progresit
Më 25 tetor 2024, Komiteti Drejtues (KD) i projektit Shërbimet Shëndetësore të Integruara (IHS) u mblodh për të vlerësuar aktivitetet aktuale dhe për t’u përgatitur për hapat e ardhshëm në zbatimin e projektit. Takimin e hapi z. Peter Sidler, Zëvendësshefi i Bashkëpunimit Ndërkombëtar, Ambasada e Zvicrës, SDC në Kosovë, gjithashtu bashkëkryetar i KD-së. "Jam i kënaqur që punojmë së bashku për t’u siguruar që projekte si IHS të kenë ndikim domethënës. Pres shkëmbime të frytshme sot,” vuri në dukje ai.
Gjatë takimit, ekipi i projektit ndau informata të detajuara dhe partnerët e palët e interesit të pranishme dhanë kontributin e tyre duke theksuar rëndësinë e kësaj faze në ecurinë e projektit. Prezantimet dhe diskutimet ndanë perspektivat mbi progresin aktual, si dhe sfidat. “Ky projekt përbëhet nga ndërhyrje të ndërlidhura që mbështesin objektivat e gjera të Qeverisë së Kosovës për avancimin e sistemit shëndetësor,” vuri në dukje z. Sidler, duke nënvizuar përputhshmërinë e projektit me objektivat kombëtare të zhvillimit.
Dr. Naim Bardiqi, Sekretari i Përgjithshëm i Ministrisë së Shëndetësisë, shprehu mirënjohjen për bashkëpunimin me qeverinë zvicerane. Ai vlerësoi kontributin e projektit IHS në forcimin e sistemit shëndetësor të Kosovës dhe konfirmoi se Ministria është në drejtim të fortë për t’i avancuar këto objektiva të përbashkëta.