Punëtoria në Pejë thekson angazhimin e pacientëve në institucionet promovuese të shëndetit
Më 24 qershor 2025, Projekti IHS organizoi në Pejë punëtori të fokusuar në angazhimin e pacientit. E udhëhequr nga Prof. Oliver Groene, punëtoria mblodhi së bashku përfaqësues të spitaleve, kujdesit shëndetësor parësor, Institutit Kombëtar të Shëndetësisë Publike dhe Ministrisë së Shëndetësisë, për të eksploruar se si angazhimi i pacientit mund ta përmirësojë përvojën e përgjithshme të pacientit, një koncept thelbësor për përmirësimin e kujdesit shëndetësor.
Punëtoria solli prezantime të rezultateve të anketës së përvojës të raportuar nga pacientët nga Spitalet e Përgjithshme të Pejës dhe Gjakovës. Këto gjetje u kontekstualizuan me krahasime ndërkombëtare dhe shërbyen si pikënisje për diskutime interaktive mbi përmirësimet e zbatueshme.
Sesionet e pasdites u morën me planifikimin strategjik, përfshirë zhvillimin e materialeve edukative për pacientët, nismat e promovimit të shëndetit dhe shfrytëzimin e hapësirave spitalore për t'i mbështetur programet e vetëmenaxhimit. Këto diskutime synojnë të institucionalizojnë praktikat e përqendruara te pacienti në të gjithë rrjetin SPSH.