Filluam punëtoritë mbi edukimin mediatik për shëndetësi në mbarë Kosovën
Më 27.08.2025, Peja organizoi punëtorinë e parë nga një seri prej shtatë punëtorish që synojnë forcimin e aftësive të edukimit mediatik për shëndetësi. I organizuar nga Projekti IHS, sesioni mblodhi përfaqësues të organizatave të shoqërisë civile nga Peja, Klina dhe Istogu, së bashku me profesionistë të sektorit të shëndetësisë dhe mediat lokale.
Punëtoria trajtoi sfidën në rritje të keqinformimit shëndetësor, i cili prek sidoos popullatat e cenueshme si të moshuarit, të rinjtë dhe personat që jetojnë me sëmundje kronike. Pjesëmarrësit eksploruan dallimin midis keqinformimit dhe dezinformimit, shqyrtuan se si informacioni i rremë dëmton besimin në sistemet e kujdesit shëndetësor dhe praktikuan vlerësimin e përmbajtjes shëndetësore online.
Ushtrimet interaktive u përqendruan në analizimin e postimeve në mediat sociale, identifikimin e manipulimit emocional dhe testimin e besueshmërisë së burimeve. Pjesëmarrësit diskutuan edhe se si algoritmet digjitale formësojnë perceptimet publike për shëndetin.
Nisma do të vazhdojë në të gjitha rajonet e tjera të Kosovës në muajt në vijim.