Takimi koordinues i Rrjetit të Spitaleve Promovuese të Shëndetit të Kosovës
Më 15 tetor 2025, përfaqësues të të gjitha niveleve të kujdesit shëndetësor, institucioneve shtetërore, shoqërisë civile dhe avokuesve të pacientëve në Kosovë u takuan për të shtyrë përpara përpjekjet e përbashkëta në kuadër të Rrjetit të Spitaleve Promovuese të Shëndetit (HPH).
Dr. Lia Tavadze, Udhëheqëse e Ekipit të Projektit IHS, hapi takimin koordinues, duke theksuar parimin themelor të platformës HPH: “Pacientët bëhen aktorë të plotë në ofrimin e kujdesit shëndetësor dhe ky rrjet është platforma më ofruese që mund të ofrojë hapësirë të bollshme për shërbime të integruara shëndetësore”. Z. Niman Bardhi, Drejtor i Planifikimit Strategjik Shëndetësor në Ministrinë e Shëndetësisë (MSh) ritheksoi bashkëpunimin e vazhdueshëm dhe të frytshëm për të arritur aktivitetet e planifikuara.
Në prezantimin e tij, Prof. Dr. Gröne theksoi trendet globale në promovimin e shëndetit në mjedise spitalore dhe nënvizoi rëndësinë e integrimit të qasjeve parandaluese, të përqendruara te pacienti në kujdesin rutinë.
Kjo u pasua me informacione të ofruara nga spitalet anëtare dhe qendrat e kujdesit shëndetësor parësor në Pejë, Gjakovë, Lipjan dhe PRAK-u, të cilët ndanë progresin, sfidat dhe prioritetet e ardhshme në forcimin e mirëqenies së pacientëve dhe shtrirjen e aktiviteteve në komunitet.
Takimi u përmbyll me një diskutim mbi angazhimet e përbashkëta dhe hapat e mëtejshëm, duke riafirmuar angazhimin e Kosovës për ta përfshirë promovimin e shëndetit si një gurthemeli të ofrimit të kujdesit shëndetësor.
Anëtarësimi i Kosovës në Rrjetin HPH mbështetet nga Zyra Zvicerane për Zhvillim dhe Bashkëpunim (SDC) përmes Projektit IHS.