Zgjidhje për menaxhimin shëndetësor të harmonizuara me nevojat lokale
Zgjidhjet për menaxhimin shëndetësor të përshtatura me nevojat lokale ishin në qendër të diskutimeve me menaxhmentin e lartë të Spitalit të Përgjithshëm të Pejës dhe Spitalit të Përgjithshëm të Gjakovës.
Gjatë takimeve informuese, ekspertët e IHS prezantuan Modulin e Planifikimit Strategjik, një komponent kyç i pakos së ardhshme trajnuese për Menaxhimin Shëndetësor. Sesionet kishin për qëllim marrjen e mendimeve nga përfaqësuesit e spitaleve për t'u siguruar që moduli të dizajnohet në përputhje me prioritetet lokale dhe të përgjigjet ndaj sfidave specifike me të cilat përballen institucionet shëndetësore në Kosovë.
Kjo qasje bashkëpunuese pasqyron përkushtimin e Projektit IHS për të forcuar kapacitetet në menaxhimin shëndetësor dhe për të ofruar zgjidhje praktike dhe të qëndrueshme.